जनकपुरधाम, १५ भदौ । रसुवाको भोटेकोशीमा आएको विनाशकारी बाढीपछि मधेश प्रदेशका विभिन्न जिल्लाबाट रसुवा तथा आसपासका क्षेत्रमा पुगेका १९४ जना सम्पर्कविहीन/बेपत्ता रहेको विवरण सार्वजनिक भएको छ ।

मधेश प्रदेश प्रहरी कार्यालय जनकपुरधामले संकलन गरेको विवरणअनुसार बेपत्ता हुनेमा मधेशका पर्सा, बारा, रौतहट, सर्लाही, महोत्तरी, धनुषा र सिरहा जिल्लाका नागरिक छन् ।

उनीहरू रोजगारी, जलविद्युत् आयोजना, होटल तथा अन्य व्यवसायका सिलसिलामा रसुवा र नुवाकोट पुगेका बेला बाढीपछि सम्पर्कविहीन भएको विवरणमा उल्लेख छ ।

प्रहरी कार्यालयबाट उपलब्ध विवरणअनुसार सबैभन्दा धेरै सप्तरीका ४९ जना बेपत्ता रहेको देखिएको छ । त्यस्तै, पर्साका ४० जना, बाराका २५ जना, रौतहटका १९ जना, सर्लाहीका २४ जना, महोत्तरीका १७ जना, धनुषाका १४ जना र सिरहाका ९ जना बेपत्ता रहेको विवरणमा उल्लेख छ ।

सप्तरीबाट सबैभन्दा धेरै बेपत्ता
सप्तरीबाट रसुवा पुगेका ठूलो संख्याका नागरिक बाढीपछि सम्पर्कविहीन भएका छन् । प्रहरी विवरणअनुसार सप्तरीका ४९ जना बेपत्ता छन् ।

बेपत्ता हुनेमा महादेवा गाउँपालिका, अग्नीसाइर कृष्णासवरण, कञ्चनरूप, सप्तकोशी, डाक्नेश्वरी, तिरहुत, सुरुङ्गा, तिलाठी कोइलाडी, विष्णुपुर, शम्भुनाथ, बोदेबरसाइन, खडक, राजगढ, राजविराजलगायत विभिन्न स्थानीय तहका नागरिक छन् ।

उनीहरूमध्ये केही नुवाकोट र रसुवाका जलविद्युत् आयोजनामा काम गर्ने कामदार रहेको उल्लेख छ । केही होटलमा काम गर्ने तथा केही गोसाइँकुण्ड भ्रमणका लागि रसुवा पुगेका व्यक्ति रहेको विवरणमा उल्लेख गरिएको छ ।

सप्तरीबाट बेपत्ता हुनेमा देवराज ईशर, अनिलकुमार विश्वकर्मा, ललिता नारायण चौधरी, इन्द्रनारायण ईशर, अजय मरिक, देवानन्द चौधरी, नितिशकुमार पासवान, अकलेशकुमार पासवान, रविन्द्रकुमार यादव, सरोज चौधरी, मनिषकुमार मण्डल, अजयकुमार यादव, साजन चौधरी, शिवकुमार यादव, देवकुमार यादव, सचितकुमार यादव, संजय साह, दुर्गा राम, सुनिता राम, दिवस रामलगायत छन् ।

यसैगरी नविन श्रेष्ठ, हृदय नारायण चौधरी, रमेशकुमार चौधरी, दिपेन्द्र चौधरी, रोशनकुमार यादव, त्रिभुवन मण्डल, अभिनाश पण्डित, ओमनारायण यादव, विजयकुमार यादव, सन्तोष यादव, सन्तोष चौधरी, प्रवेशकुमार चौधरी, सुरेन सदा रिख्यासन, शिवकुमार सदा, बेचन सदा र राजमणी साहलगायतको नाम सूचीमा छ ।

पर्साका ४० जना सम्पर्कविहीन
पर्साबाट पनि ठूलो संख्यामा नागरिक रसुवा पुगेर बेपत्ता भएका छन् । प्रहरीको विवरणअनुसार पर्साका ४० जना सम्पर्कविहीन छन् ।

बेपत्ता हुनेमा वीरगञ्ज महानगरपालिका–२२ का सर्फराज मिया, साबुद, सर्ताज मिया र समिम मियालगायत छन् । उनीहरूको उमेर करिब १४ देखि २१ वर्षसम्म रहेको विवरणमा उल्लेख छ ।

यसैगरी उमेश प्रसाद, वीरकिशोर कुमार, रामकरण कुमार, विनयकुमार साह, संजय साह सोनार, सुरज माझी, सागर कर्ण, सुनिलमान डंगोल, रिजवान अन्सारी, आरभ चौरसिया, अलोक चौरसिया, लक्की पटेल, आरवाज हवारी, नरेश राय, नरेश राई, नगनारायण पटेल, सुबोध पटेल, अरुण हजरा, श्यामबाबु ठाकुर, उकेश दंगोल, संजय तामाङ, आकाश तामाङ, कमरुल होदा अन्सारी, सुभाष पटेल, ज्ञानबहादुर थिङ, श्यामलाल मोक्तानलगायतको नाम सूचीमा छ ।

पर्साका केही नागरिक हाइड्रोपावर, क्रेन, ट्रक तथा अन्य कामका लागि रसुवा पुगेका थिए भने केही नुवाकोटतर्फ रहेका बेला सम्पर्कविहीन भएको विवरणमा उल्लेख गरिएको छ ।

बाराका २५ जना बेपत्ता
बाराबाट २५ जना बेपत्ता रहेको विवरणमा उल्लेख छ । कलैया उपमहानगरपालिका, परवानीपुर, प्रसौनी, जितपुरसिमरा, करैयामाई, सुवर्ण, निजगढ, आदर्श कोतवाललगायतका क्षेत्रका नागरिक सम्पर्कविहीन छन् ।

बेपत्ता हुनेमा श्रीनिवास महतो धानुक, सुदिपकुमार मण्डल, निरजकुमार कुशवाहा, संजोगकुमार, अन्कित पटेल, नम नारायण सिंह, जितेन्द्रकुमार दास, रजित श्रेष्ठ, धिरज चौधरी, रुपेशकुमार साह, रमेशकुमार यादव, राज बिष्ट, दिनेश परियार, उत्तम न्यौपाने, जीवन चौधरी, देवेश भट्टराई, सुबोध पटेल, विनय सराफ, समिम देवान, सत्यप्रकाश राम, रुपेश गुप्ता, सुभाषप्रसाद पटेल, सन्दिपप्रसाद मण्डल, अरुण हजरा दुसाद र सतेन्द्रकुमार राउत छन् ।

उनीहरूमध्ये केही क्रेन अपरेटर, हाइड्रोपावरमा कार्यरत कामदार, ट्रक चालक तथा सहचालक रहेको विवरणमा उल्लेख गरिएको छ ।

सर्लाहीका २४ जना बेपत्ता
सर्लाहीबाट २४ जना रसुवा तथा नुवाकोट पुगेपछि सम्पर्कविहीन भएको विवरण छ ।

लालबन्दी, हरिवन, ईश्वरपुर, ब्रह्मपुरी, मलंगवा, बागमती, हरिपुर र बरहथवा क्षेत्रका नागरिक सूचीमा छन् ।

माधव काफ्ले, अनोज काफ्ले, कृष्णप्रसाद धमला, द्वारिका दंगाल, चिरञ्जीवी खतिवडा, सुनिल कुशवाहा, बृजकिशोर दास, सुनिता दास, लक्ष्मणबहादुर श्रेष्ठ, गोविन्द यादव, दीपक साह, सिकिन्द्र राय भनिने रामप्रवेश राय, अविनाश चौधरी, सुमन दाहाल, दिपेश थापा, अनुजकुमार मिर्दाहा, नवीन कायस्थ, सुमित स्याङ्बो, रामविवेक, सक्षम कार्कीलगायतको नाम विवरणमा छ ।

रौतहटका १९ जना सम्पर्कविहीन
रौतहटबाट १९ जना बेपत्ता रहेको प्रहरी विवरणमा उल्लेख छ । गरुडा, वृन्दावन, ईशनाथ, राजदेवी, गुजरा, गढीमाई, चन्द्रपुर र मौलापुरलगायत क्षेत्रका नागरिक सूचीमा छन् ।

सुधीरकुमार साह, गौरव राउत, शेख माजिद, समिर मन्सुरी, संगिता देवी साह, राहुलकुमार, हरेराम खा, मोबिदा खातुन, सकिना खातुन, सलमान अन्सारी, बिबेक दवाडी, रणबहादुर तिमल्सेना, पवित्रा नेपाल सिलवाल, सम्राट सिलवाल, रामबिनोद भगत, ततरी देवी, अभिषेक गुप्ता, समान्तर पौडेल र शेरबहादुर माझीको नाम सूचीमा छ ।

उनीहरूमध्ये केही जलविद्युत् आयोजना तथा होटलमा काम गर्ने रहेको विवरणमा उल्लेख गरिएको छ ।

केही नुवाकोटको त्रिशूली बजार तथा बेत्रावती क्षेत्रमा व्यवसाय गर्ने व्यक्ति रहेको समेत जनाइएको छ ।

महोत्तरीका १७ जना बेपत्ता
महोत्तरीबाट १७ जना सम्पर्कविहीन रहेको विवरण छ । गौशाला, जलेश्वर, भंगाहा, पिपरा, लोहरपट्टी, बर्दिबास, औरही र मटिहानी क्षेत्रका नागरिक रसुवा पुगेका बेला बेपत्ता भएको उल्लेख छ ।

सितलबहादुर लुङ्गेली, विजय थापा मगर, शुसिललाल दास, राकेशकुमार यादव, श्रीकेश यादव, विकासकुमार यादव, सन्तोषकुमार ठाकुर, युवराज पाण्डे, सौभाग्य विष्ट, हसन अन्सारी, सचिनकुमार यादव, पप्पु मण्डल, आदित्य नारायण यादव, गंगाराम मण्डल, इन्जिनियर विपिनकुमार मण्डल, विकास भारती र जोया राना मगरको नाम सूचीमा छ ।

धनुषाका १४ जना सम्पर्कविहीन
धनुषाबाट १४ जना रसुवा पुगेपछि सम्पर्कविहीन रहेको प्रहरी विवरणमा उल्लेख छ ।

सबैला, हंसपुर, जनकपुरधाम, मिथिला तथा गणेशमान–चारनाथ क्षेत्रका नागरिक सूचीमा छन् ।

लक्ष्मण महतो, दयावती देवी यादव, विजयकुमार यादव, सुरेश पंजियार, अजयप्रसाद सिंह, रितिक झा, विक्रम ठाकुर, सुशान्त यादव, राहुल गुप्ता, परीक्षण ठाकुर, राधादेवी ठाकुर, संगम ठाकुर, पुनमकुमारी ठाकुर र भीमबहादुर लामाको नाम विवरणमा उल्लेख छ ।

सिरहाका ९ जना बेपत्ता
सिरहाबाट ९ जना बेपत्ता रहेको विवरणमा उल्लेख छ । सन्तोषकुमार यादव, श्यामसुन्दर साह, टार्जन बलम्पाकी, राजा यादव, बैद्यनाथ साह, आयुस साह, उमेश यादव, आनन्दकुमार महतो, विवेकनारायण चौधरी र रोशन कामर साहको नाम विवरणमा छ ।

उनीहरूमध्ये केही अपर त्रिशूली–१, रसुवा हाइड्रोपावर, शेर्पा हाइड्रोपावर, लाङटाङ खोला हाइड्रोपावर तथा अन्य जलविद्युत् आयोजनामा कार्यरत रहेको विवरणमा उल्लेख गरिएको छ ।

केही नुवाकोटको बेत्रावती तथा मैलुङ क्षेत्रमा काम गर्ने व्यक्ति रहेको जनाइएको छ ।

जलविद्युत् आयोजना र रोजगारीका लागि पुगेकाहरू बढी प्रभावित
प्रहरीले संकलन गरेको विवरणले रसुवा बाढीमा मधेशबाट रोजगारीका लागि हिमाली क्षेत्रमा पुगेका नागरिक ठूलो संख्यामा प्रभावित भएको देखाएको छ ।

विशेषगरी जलविद्युत् आयोजना, निर्माण कम्पनी, होटल, ट्रक तथा यातायात क्षेत्रमा काम गर्ने श्रमिक तथा कर्मचारीहरू बाढीपछि सम्पर्कविहीन भएको विवरणमा उल्लेख छ ।

कतिपय व्यक्ति नुवाकोट हुँदै रसुवा पुगेका थिए भने केही गोसाइँकुण्ड तथा अन्य क्षेत्रमा भ्रमणका लागि पुगेका थिए ।

बाढीपछि सडक, पुल, सञ्चार तथा विद्युत् संरचनामा क्षति पुगेकाले घटनास्थलमा रहेका व्यक्तिसँग तत्काल सम्पर्क स्थापित गर्न कठिनाइ भएको छ ।

त्यसका कारण परिवारजनले आफ्ना आफन्तको अवस्था पत्ता लगाउन प्रहरी तथा स्थानीय प्रशासनमा निवेदन दिएका आधारमा बेपत्ता सूची तयार पारिएको प्रहरीले जनाएको छ ।

परिवारजनमा बढ्दो चिन्ता
रसुवा बाढीमा आफन्त सम्पर्कविहीन भएपछि मधेशका विभिन्न जिल्लामा परिवारजनको चिन्ता बढेको छ ।

विशेषगरी वैदेशिक रोजगारीको विकल्पका रूपमा जलविद्युत् तथा निर्माण क्षेत्रमा काम गर्न पहाडी र हिमाली जिल्लामा पुगेका युवाहरू सम्पर्कविहीन भएपछि परिवारहरू आफन्तको खोजी तथा उद्धारको प्रतीक्षामा छन् ।

प्रहरी तथा सुरक्षा निकायले उद्धार तथा खोजी कार्य जारी राखेको अवस्थामा बेपत्ता सूचीमा रहेका व्यक्तिहरूमध्ये केहीको अवस्था पछि पुष्टि हुनसक्ने सम्भावना पनि रहेको छ ।

त्यसैले यो विवरणलाई हालसम्म प्रहरीमा प्राप्त निवेदन तथा सूचनाका आधारमा तयार गरिएको प्रारम्भिक विवरणका रूपमा लिनुपर्ने देखिन्छ ।

मधेश प्रदेश प्रहरी कार्यालय जनकपुरधामबाट उपलब्ध विवरणअनुसार रसुवा बाढीपछि मधेशका ७ जिल्लाका १९४ जना बेपत्ता रहेको तथ्यांकले विपद्को प्रभाव मधेशसम्म कति गहिरोसँग परेको छ भन्ने देखाएको छ ।