जनकपुरधाम, ०१ साउन । धनुषा प्रहरीले ब्राउन सुगर जस्तो देखिने प्रतिबन्धित लागूऔषधसहित एक जनालाई पक्राउ गरेको छ ।

जिल्ला प्रहरी कार्यालय धनुषाले शुक्रबार सार्वजनिक गरेको जानकारीअनुसार विशेष सूचनाका आधारमा खटिएको प्रहरी टोलीले शंकास्पद व्यक्तिलाई नियन्त्रणमा लिँदा उनको साथबाट ०.३३ ग्राम ब्राउन सुगर जस्तो देखिने पदार्थ बरामद गरेको हो ।

पक्राउ परेका व्यक्तिको परिचय तथा पक्राउ गरिएको स्थानबारे प्रहरीले तत्काल सार्वजनिक गरेको छैन ।

बरामद पदार्थको प्रकृति पुष्टि गर्न आवश्यक कानुनी प्रक्रिया अघि बढाइएको प्रहरीले जनाएको छ ।

घटनाबारे थप अनुसन्धान भइरहेको जिल्ला प्रहरी कार्यालय धनुषाले जनाएको छ ।

प्रहरीले लागूऔषधको अवैध कारोबार तथा ओसारपसार नियन्त्रणका लागि निगरानी र कारबाहीलाई निरन्तर तीव्र बनाइएको पनि उल्लेख गरेको छ ।