जनकपुरधाम, १५ असार । नागरिक संघर्ष जनअभियान नेपालले जनकपुरधाममा धर्ना दिएको छ । विभिन्न ५ बुँदे मागसहित शुक्रबार स्थानीय जनकचोकमा धर्ना प्रदर्शन गरिएको हो ।

धर्नामा सहभागीहरुले सबै जातजातीको भूमिहिनहरुलाई कम्तिमा ५ धुर जग्गा र २ कोठे पक्की घरको व्यवस्था गर्नुपर्नेलगायतका विभिन्न ५ बुँदे माग राखेका छन् ।

उनीहरुले सम्पूर्ण नेपाली ऋणीहरुको ऋणमा ३० प्रतिशत र ब्याजमा शत प्रतिशत छुटको व्यवस्था गर्नुपर्ने, जनता अदालतको छुट्टै व्यवस्था कायम गर्नुपर्ने, सडक विस्तारको क्रममा पर्ने घरजग्गा, घडेरी, खोतीयोग्य जमीनको उचित मूल्यांकन गरी अविलम्ब भुक्तानी गर्नुपर्नेलगायतका माग गरेका छन् ।

संगठन प्रमुख अशेश्वर कामतले आफूहरुले २५ वर्ष मुनिका युवायुवतीहरुलाई धुम्रपान खरिद बिक्री तथा सेवनमा रोक लगाउने कानून अविलम्ब निर्माण गरी लागू गर्नुपर्ने मागसमेत गरेको बताएका छन् ।