जनकपुरधाम, १६ जेठ । धनुषामा इनारमा डुबेर एकजनाको मृत्यु भएको छ ।

मृत्यु हुनेमा जिल्लाको मिथिला नगरपालिका–७ ढल्केवरका ३५ वर्षीय घुरण यादव रहेको प्रहरीले जनाएको छ ।

आफ्नो घर नजिकैको इनारभित्र मोटरपम्प जडान गर्ने क्रममा सन्तुलन बिग्रेर यादव इनारमा खसेको प्रहरीले जनाएको छ ।

इलाका प्रहरी कार्यालय ढल्केवरका प्रहरी निरीक्षक कवीन राईका अनुसार इनारमा खसेर गम्भीर घाइते भएका यादवको उपचारको क्रममा लालगढस्थित मोडेल अस्पतालमा मृत्यु भएको हो ।