काठमाडौं, १० जेठ । प्रहरीले नक्कली भुटानी शरणार्थी प्रकरणमा नाम जोडिएका ३० जनाविरुद्ध मुद्दा दर्ता गरेको छ ।

दुई दिनअघि सरकारी वकिलको कार्यालयले बुझाएको प्रतिवदेनका आधारमा प्रहरीले बुधबार उनीहरूविरुद्ध काठमाडौं जिल्ला अदालतमा मुद्दा दायर गरेको हो ।

पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाणसहित उनीहरूलाई राज्यविरुद्धको अपराध, ठगी र संगठित अपराध र किर्तेगरी गरी चार कसुरमा अभियोग लगाइएको छ ।

उनीहरुबाट २८ करोड बराबरको बिगो माग गरिएको छ ।