काठमाडौं, २५ बैशाख । अर्थसचिव अर्जुन पोखरेल नेपाल राष्ट्र बैंकको सञ्चालकमा नियुक्त भएका छन् ।

पोखरेल केही दिनअघि मात्रै अर्थ मन्त्रालयमा सरुवा भएका थिए । यसअघिका अर्थसचिव तोयम रायलाई सरुवा भएपछि पोखरेल अर्थसचिव बनेका थिए ।

नेपाल राष्ट्र बैंक ऐन, २०५८ को दफा १४ मा अर्थ मन्त्रालयका सचिव नेपाल राष्ट्र बैंक सञ्चालक समितिको सदस्य रहने व्यवस्था छ । सोही ऐनको दफा १०८ (१) मा बैंकका सञ्चालकले सर्वोच्च अदालतको प्रधानन्यायाधीश वा निजले तोकेको न्यायाधीशसमक्ष शपथ लिनुपर्ने व्यवस्था छ ।

सोही बमोजिम सोमबार पोखरेलले कायममुकायम प्रधानन्यायधीश हरिकृष्ण कार्कीसमक्ष पद तथा गोपनीयताको शपथ लिएका छन् ।