काठमाडौं, २५ बैशाख । प्रतिनिधिसभा सदस्य अमरेशकुमार सिंह संसद बैठकमै अर्धनग्न बनेका छन् ।

प्रतिनिधिसभाको सोमबारको बैठकमा स्वतन्त्र सांसद सिंह अर्धनग्न बनेका हुन् ।

प्रतिनिधिसभाको बैठकमा सांसद सिंहले आकस्मिक समय माग गरेको र सभामुखले समय नदिएपछि त्यसको विरोधमा उनले सर्ट र गञ्जी खोलेर विरोध जनाएका हुन् ।

संसद बैठकमा सांसद सिंह अर्धनग्न भएपछि सभामुख देवराज घिमिरेले संसदीय मर्यादाको ख्याल गर्न आग्रह गरे ।

सभामुखले कारबाहीको चेतावनी दिएपछि भने सांसद सिंहले शान्त रहे ।

उनको क्रियाकलापको अरू सांसदले आलोचना गरेका छन् ।