जनकपुरधाम, २४ बैशाख । नेपाली कांग्रेसले युवाहरूलाई पनि नेतृत्व गर्ने अवसर प्रदान गरेको छ ।

कांग्रेसले आइतबार जनकपुरधाम उपमहानगरपालिकाको कार्यबाहक नगर सभापति पदमा युवा नेता राकेश विक्रम साहलाई मनोनयन गरेको हो ।

नेपाली काँग्रेस धनुषा क्षेत्र नम्बर-३ को क्षेत्रीय कार्यसमितिको निर्णय अनुसार युवा नेता साहलाई कार्यबाहक सभापतिको जिम्मेवारी प्रदान गरिएको छ ।

साहले समग्र पार्टीलाई आधुनिकिकरण र संगठन उन्नयनमा अझ बढी क्रियाशिल हुने अपेक्षा गरिएको हो ।

यसैबीच, युवा नेता साहले आफूले पाएको जिम्मेवारीबाट एक कदम पनि पछाडि नहट्ने र आगामि दिनमा पार्टीलाई जनकपुरधाममा अझ बढी सुदृढ बनाउने प्रतिबद्धता जनाएका छन् ।क्षेत्रीय कार्यसमितिले आफूलाई यस योग्य सम्झेकोमा उनले सम्पूर्ण कार्यसमितिका पदाधिकारी र पार्टीको नेतृत्वपंक्तिलाई धन्यवाद व्यक्त गरेका छन् ।

पार्टीको कामलाई अघि बढाउन नै आफूले कार्यबाहक सभापतिको जिम्मेवारी पाएकोले सदैब निष्पक्ष भएर काम गर्ने साहले बताए ।नेपाली कांग्रेसले आइतबार नै धनुषाको मुखियापट्टि मुसरनिया गाउँपालिकाको नगर कार्यबाहक सभापतिको जिम्मेवारी संजित कुमार यादवलाई दिएको छ ।