नेता रिजाल कांग्रेसको केन्द्रीय सदस्यमा मनोनीत
काठमाडौं, २२ बैशाख । नेपाली कांग्रेसले नेता डा. मिनेन्द्र रिजाललाई पार्टीको केन्द्रीय सदस्यमा मनोनीत गरेको छ ।
सभापति शेरबहादुर देउवाले नेपाली कांग्रेसको विधान, २०१७ (संशोधनसहित) को धारा २१ को उपधारा (१०) बमोजिम डा. रिजाललाई केन्द्रीय कार्यसमितिको सदस्य पदमा मनोनयन गरेका हुन् ।
गत महाधिवेशनमा शेखर कोइराला प्यानलबाट महामन्त्री उठेका उनी पराजित भएका थिए । महामन्त्रीमा पराजय भोगेसँगै उनले रक्षामन्त्रीबाट समेत राजीनामा दिएका थिए ।
देउवाले आफ्नो प्यानलबाट महामन्त्रीमा हारेका डा. प्रकाशशरण महतलाई केन्द्रीय सदस्य, पार्टी प्रवक्ता, समानुपातिक सांसद हुँदै अर्थमन्त्री बनाएका छन् । तर रिजालले गत निर्वाचनमा चुनाव लड्न टिकटसमेत पाएका थिएनन् ।
महाधिवेशनको डेढवर्षपछि रिजाल केन्द्रीय सदस्य मनोनीत भएका हुन् ।
तपाईको प्रतिक्रिया !
सम्बन्धित खबर
