जनकपुरधाम, २५ पुस । जनता समाजवादी पार्टी नेपालको मधेस प्रदेशको संसदीय दलको नेतामा सरोजकुमार यादव सर्वसम्मत चयन भएका छन ।

दलको नेता चयन गर्नका लागि निर्वाचन कार्यतालिका सार्वजनिक गरिए पनि निर्वाचन नहुँदै यादव दलको नेतामा चयन भएका हुन ।

दलको नेताका लागि यादव र मुख्यमन्त्री लालवावु राउतले उम्मेदवारी समेत दर्ता गराइसकेका थिए ।

दलको नेताका लागि उम्मेदवारी दर्ता गराएका मुख्यमन्त्री राउतले अन्तिम समयमा यादवको नाममा सहमति जनाएपछि उनी दलको नेतामा चयन भएका हुन ।

यादव मधेस प्रदेशको निवर्तमान सभामुख समेत हुन ।

जसपाको मधेस प्रदेश सभामा १६ जना प्रदेश सभा सदस्य छन् ।