बारा, २० भदौ । बारामा मोटरसाइकल दुर्घटना हुँदा एक महिलाको मृत्यु भएको छ ।

जिल्लाको कलैया उपमहानगरपालिका–२३ कोईरीया टोलमा मोटरसाइकल दुर्घटना हुँदा स्थानीय ३२ वर्षीया हजरा खातुनको मृत्यु भएको हो ।

गम्भिर घाइते भएकी उनको उपचारका क्रममा कलैया प्रादेशिक अस्पतालमा मृत्यु भएको प्रहरीले जनाएको छ ।

दुर्घटनामा परी मोटरसाइकल चालक घाइते भएका छन् । घाइते चालकको सोही अस्पतालमा उपचार भइरहेको छ ।

वीरगञ्जबाट कलैयातर्फ आउँदै गरेको ना २४ प १३९४ नम्बरको मोटरसाइकल अनियन्त्रित भइ पल्टिएको थियो ।