सर्लाही, १३ साउन । सर्लाहीमा करेन्ट लागेर एक पुरुषको मृत्यु भएको छ ।

मृत्यु हुनेमा जिल्लाको पर्सा गाउँपालिका–६ दक्षिणबारी टोल बस्ने ४५ वर्षीय सुबोध झा रहेको जिल्ला प्रहरी कार्यालय सर्लाहीले जनाएको छ ।

आफ्नै घरको पानी तान्ने मोटर जोडने क्रममा शुक्रवार विहान करिब ९ बजेको समयमा करेन्ट लागेर घाईते भएका झालाई उपचारका लागि प्रादेशिक अस्पताल मलंगवा ल्याइएकोमा चिकित्सकले मृत घोषणा गरेको जिल्ला प्रहरी कार्यालय सर्लाहीका सूचना अधिकारी प्रहरी नायव उपरीक्षक विजय यादवले जानकारी दिए ।

घटना सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।