जनकपुरधाम, १७ असोज । नेपाली कम्युनिस्ट पार्टीका नेता तथा हँसपुर नगरपालिका–८ का वडाध्यक्ष देव नारायण मण्डलको हृदयघातका कारण निधन भएको छ ।

मण्डलको निधनको खबरले हँसपुर नगरपालिका तथा आसपासको क्षेत्रमा शोक छाएको छ ।

स्थानीय तहको जनप्रतिनिधिका रूपमा कार्यरत मण्डलको निधनले स्थानीयवासी, राजनीतिक सहकर्मी तथा शुभेच्छुकहरू स्तब्ध भएका छन् ।

मण्डल नेपाली कम्युनिस्ट पार्टीमा आबद्ध रही राजनीतिक तथा सामाजिक गतिविधिमा सक्रिय रहँदै आएका थिए ।

हँसपुर नगरपालिका–८ को वडाध्यक्षका रूपमा उनले स्थानीयस्तरमा विभिन्न काममा नेतृत्वदायी भूमिका निर्वाह गर्दै आएका थिए ।

उनको निधनप्रति राजनीतिक सहकर्मी, जनप्रतिनिधि, स्थानीयवासी तथा शुभेच्छुकहरूले दुःख व्यक्त गर्दै दिवंगत आत्माको चिरशान्तिको कामना गरेका छन् ।