काठमाडौं, ११ असार । राष्ट्रपति रामचन्द्र पौडेलले प्रतिनिधिसभाबाट पारित भई आएको वैकल्पिक विकास वित्त परिचालन विधेयक, २०८३ प्रमाणीकरण गरेका छन् ।

राष्ट्रपति कार्यालयका अनुसार नेपालको संविधानको धारा ११३ को उपधारा (२) बमोजिम उक्त विधेयक प्रमाणीकरण गरिएको हो । प्रमाणीकरणसँगै विधेयकले कानुनी मान्यता प्राप्त गरेको छ ।

राष्ट्रपति कार्यालयका प्रवक्ता रितेशकुमार शाक्यले जारी गरेको सूचनामार्फत विधेयक प्रमाणीकरण भएको जानकारी दिएका छन् । संसदबाट पारित भई राष्ट्रपतिसमक्ष पुगेको विधेयक संविधानअनुसार प्रमाणीकरण भएपछि कार्यान्वयनको बाटो खुलेको हो ।

उक्त विधेयकले विकास निर्माण तथा पूर्वाधारका क्षेत्रमा आवश्यक वित्तीय स्रोत परिचालनका लागि वैकल्पिक उपायहरूको व्यवस्था गर्ने विश्वास गरिएको छ । सरकारको विकास लक्ष्य प्राप्तिमा निजी तथा अन्य वैकल्पिक वित्तीय स्रोतको उपयोगलाई व्यवस्थित गर्न विधेयकले आधार तयार गर्ने विश्वास गरिएको छ ।

संघीय संसदबाट पारित भई राष्ट्रपतिबाट प्रमाणीकरण भएपछि अब सम्बन्धित कानुनी प्रक्रिया पूरा गरी विधेयक कार्यान्वयनको चरणमा प्रवेश गर्नेछ ।