काठमाडौँ, २२ बैशाख । रामचन्द्र पौडेलले संवैधानिक परिषद् सम्बन्धी अध्यादेश जारी गरेका छन् ।

सरकारको सिफारिसअनुसार उक्त अध्यादेश मंगलबार राष्ट्रपतिबाट प्रमाणीकरण भएको राष्ट्रपतिको सचिवालयले जनाएको छ ।

सरकारले पुनः सिफारिस गरेपछि अध्यादेश जारी भएको हो ।

यसअघि सरकारले सिफारिस गरेका अन्य सातवटा अध्यादेश भने राष्ट्रपतिबाट पहिले नै जारी भइसकेका थिए ।

नयाँ अध्यादेश जारी भएसँगै संवैधानिक परिषद्सम्बन्धी व्यवस्थामा परिवर्तन आउने छ ।

यद्यपि, अध्यादेशका मुख्य प्रावधान र त्यसले पार्ने प्रभावबारे विस्तृत विवरण सार्वजनिक हुन बाँकी छ ।