जनकपुरधाम, १५ चैत । जनकपुरधामस्थित सिया मेडिकेयरको आयोजनामा नगराइन नगरपालिका–७ देवडिहामा निःशुल्क स्वास्थ्य शिविर सम्पन्न भएको छ ।

शिविरमा करिब ३५० जना बिरामीहरूको स्वास्थ्य परीक्षण तथा परामर्श सेवा प्रदान गरिएको आयोजकले जनाएको छ ।

शिविरमा सामान्य स्वास्थ्य जाँच, औषधि वितरण तथा आवश्यक परामर्श सेवा उपलब्ध गराइएको थियो ।

स्थानीय बासिन्दाहरूले सहज रूपमा स्वास्थ्य सेवा प्राप्त गरेपछि शिविरप्रति सकारात्मक प्रतिक्रिया दिए ।

कार्यक्रम सफल बनाउन स्वास्थ्यकर्मी, कर्मचारी तथा स्थानीय समुदायको महत्वपूर्ण सहयोग रहेको आयोजकले उल्लेख गरेको छ ।

शिविरमार्फत ग्रामीण क्षेत्रमा आधारभूत स्वास्थ्य सेवामा पहुँच विस्तार गर्न सहयोग पुगेको विश्वास लिइएको छ ।

सिया मेडिकेयरले आगामी दिनमा पनि यस्ता सामाजिक उत्तरदायित्वका कार्यक्रमलाई निरन्तरता दिने प्रतिबद्धता जनाएको छ ।