रौतहट, ८ चैत । रौतहट जिल्लाको चन्द्रपुर नगरपालिका–८ बसन्तपुरमा करेन्ट लागेर एक वृद्धाको मृत्यु भएको छ ।

जिल्ला प्रहरी कार्यालौ रौतहटका अनुसार गुजरा नगरपालिका–१ मनहर्वा निवासी ८४ वर्षीया कान्छी देवी चौधरीको आइतबार दिउँसो करेन्ट लागेर ज्यान गएको हो ।

घर नजिकैको धारामा जडान गरिएको विद्युतीय मोटरबाट करेन्ट लाग्दा उनी गम्भीर घाइते भएकी थिइन् ।

घाइते अवस्थामै उनलाई तत्काल उपचारका लागि चपुर अस्पताल लगिएको भए पनि उपचारकै क्रममा उनको मृत्यु भएको प्रहरीले जनाएको छ ।

प्रहरीले घटनाको प्रकृति र कारणबारे थप अनुसन्धान भइरहेको जनाएको छ ।