जनकपुरधाम, ६ फागुन । रास्वपा मधेशकी संस्थापक सभापति पार्टी परित्याग गर्दै नेपाली कांग्रेस प्रवेश गरेकी छन् ।

जनकपुरधाममा आयोजित कांग्रेसको एक कार्यक्रमबीच उनले औपचारिक रूपमा पार्टी प्रवेश गरेकी हुन् ।

केही दिनअघि नै रास्वपा त्याग गर्ने घोषणा गरेकी शर्माले पार्टी विधि र विधानविपरीत सञ्चालन भएको आरोप लगाएकी थिइन् ।

उनले रास्वपाको साधारण सदस्यसमेत नरहने गरी पार्टी परित्याग गरेको बताउँदै संगठनभित्र क्षमतावान कार्यकर्ताहरूको उचित मूल्यांकन नहुने वातावरण बनेको टिप्पणी गरिन् ।

‘पार्टीभित्र योगदान र क्षमताको कदर नहुने अवस्था सिर्जना भएपछि वैकल्पिक राजनीतिक बाटो रोज्न बाध्य भएँ,’ उनले भनिन् ।

शर्मा मधेश प्रदेशमा रास्वपाको संस्थापक सभापतिको जिम्मेवारी सम्हाल्दै आएकी थिइन् ।

उनको कांग्रेस प्रवेशलाई मधेश प्रदेशको राजनीतिक वृत्तमा अर्थपूर्ण रूपमा हेरिएको छ ।

कांग्रेस नेतृत्वले भने शर्माजस्ता अनुभवी तथा सक्रिय नेतृको आगमनले पार्टी संगठन सुदृढ हुने विश्वास व्यक्त गरेको छ ।