काठमाडौं, १५ फागुन । नेपाल समाजवादी पार्टी (नेसपा) का अध्यक्ष महेन्द्र राय यादवले माओवादी केन्द्रको आगामी महाधिवेशनबाट पार्टीको नाम परिवर्तन गरेर एकता हुने बताएका छन् ।

माओवादी केन्द्रले आफ्नो पार्टीको नाम परिवर्तन गर्ने निर्णय गरेपछि यो एकता प्रक्रिया अघि बढ्ने उनले उल्लेख गरे ।

अध्यक्ष यादवले भने, ‘माओवादीले नाम परिवर्तन गरेर एकता गर्ने सहमति भएको छ । यसअघि नै हाम्रो बीच एकता सहमति भइसकेको छ । अब महाधिवेशनबाट नयाँ नाममा एकता हुनेछ ।’

माओवादी केन्द्रले आफ्नो नाम परिवर्तन गर्ने र त्यससँगै समाजवादी धारमा अन्य कम्युनिस्ट दलहरूबीच पनि एकता हुने सम्भावनाको बारेमा उनले चर्चा गरे ।

यादवका अनुसार माओवादीले सुरु गरेको ‘जनतासँग माओवादी’ अभियानको क्रममा सहमतिमा पुगेको हो ।

उनले भने, ‘कम्युनिष्ट पार्टीलाई समाजवादी बनाउने सहमति हुँदा अहिले अन्य कम्युनिस्ट दलसँग पनि एकता हुने सम्भावना छ । त्यसैले नयाँ नाममा सहमति हुन सक्छ ।’

यसअघि बाबुराम भट्टराईको नेतृत्वमा छुट्टिएर बनेको नेपा र माओवादी केन्द्र बीचको एकता प्रक्रिया अघि बढेको थियो । अध्यक्ष यादव आफैं माओवादीकै चिह्नबाट चुनाव जितेर सांसद बनेका छन् ।

नेपाल समाजवादी पार्टी र माओवादी केन्द्रको बीचको एकता प्रक्रिया अब नयाँ नाम र राजनीतिक सन्देशका साथ अघि बढ्ने तयारीमा छ ।