जनकपुरधाम, २० पुष । युवाहरुको क्षमता विकासमा काम गर्ने संस्था जनकपुर जेसिजको ४२औँ अधिवेशन सम्पन्न भएको छ ।

अधिवेशनबाट जेसिजको अध्यक्षमा मुकेशकुमार साह निर्वाचित भएका छन् । शनिबार साँझ भएको निर्वाचनमा साह १२७ मत ल्याएर अध्यक्षमा निर्वाचित भएका हुन् । उनका निकटतम प्रतिद्धन्दी उपेन्द्र कुमार साहले ५० मत ल्याए ।

कार्यकारिणी उपाध्यक्षमा ओमप्रकाश साह र मनोहर ठाकुर निर्वाचित भएका छन् ।

यसैगरी उपाध्यक्षमा राजेश ठाकुर, रामसोगारथ साह, अमरेन्द्र साह र सुबोध ठाकुर निर्वाचित भएका हुन् ।

नवनिर्वाचित अध्यक्ष साहले महासचिवमा दिपक यादव, कोषाध्यक्षमा भवेश कुमार झा र कानूनी सल्लाहकारमा प्रशान्त झालाई चयन गरेका छन् ।

कूल १८१ मत खसेको जनकपुर जेसिजको निर्वाचनमा ४ वटा मत बदर भएको थियो ।