जनकपुरधाम, ७ कार्तिक । मधेश प्रदेशका प्रमुखसमक्ष जनलोकपाल आयोगले आफ्नो तेस्रो वार्षिक प्रतिवेदन पेश गरेको छ ।

प्रदेश प्रमुख सुमित्रा सुवेदी भण्डारीसमक्ष प्रदेश जनलोकपाल आयोगका अध्यक्ष रामसहाय राय यादवको नेतृत्वमा गएको टोलीले बुधबार आर्थिक वर्ष २०८०/०८१ मा सम्पादन भएको कार्यसहितको विवरण समेटिएको तेस्रो वार्षिक प्रतिवेदन पेस गरेको हो ।

‘प्रदेश जनलोलपाल ऐन, २०७७’ को दफा (३१) को उपदफा (१) व्यवस्थाबमोजिम प्रतिवेदन पेस भएको प्रदेश प्रमुखको कार्यालयका निमित्त सचिव शत्रुधन यादवले बताए  ।

सो अवसरमा जनलोकपालका सदस्यहरू राजकिशोरप्रसाद साह, शोभाकुमारी महतोलगायतकाहरूको उपस्थिति रहेको थियो ।