जनकपुरधाम, १८ भदौ । धनुषाका एक पालिका प्रमुखले एसिया कप क्रिकेट प्रतियोगिताको खेलाडीलाई पुरस्कार प्रदान गर्ने घोषणा गरेका छन् ।

एसिया कप क्रिकेट प्रतियोगिता अन्तर्गत आज हुन लागेको नेपाल भारतबिचको खेलमा जनकनन्दिनी गाउँपालिकाका अध्यक्ष दिपिन देव यादवले नेपाली खेलाडीलाई पुरस्कार प्रदान गर्ने गरेका हुन् ।

नेपालको तर्फबाट कुनै खेलाडीले शतक लगाएमा एक लाख र अर्धशतक लगाएमा पचास हजार पुरस्कार दिने अध्यक्ष यादवले घोषणा गरेका छन् ।

त्यस्तै उनले नेपालको कुनै बलरले ह्याट्रिक विकेट लिएमा पचास हजार रूपैयाँ पुरस्कार प्रदान गर्ने जानकारी दिए ।

यो पुरस्कार गाउँपालिका अध्यक्षद्वारा व्यक्तिगत तर्फबाट प्रदान गरिनेछ ।