दाङ, १४ बैशाख । दाङमा श्रीमतीको बञ्चरो प्रहारबाट श्रीमानको मृत्यु भएको छ ।

जिल्लाको बङ्गलाचुली गाउँपालिका–१ स्युजामा बिहीबार बिहान श्रीमती केशरा परियारको बञ्चरो प्रहारबाट ६४ वर्षीय श्रीमान् रेशम परियारको मृत्यु भएको जिल्ला प्रहरी कार्यालय दाङका प्रवक्ता प्रहरी नायब उपरीक्षक राजनकुमार गौतमले जानकारी दिए ।

उनका अनुसार घरायसी विवादका कारण श्रीमतीले टाउकोमा बञ्चरो प्रहार गर्दा श्रीमानको घटनास्थलमै मृत्यु भएको हो ।

केशरालाई प्रहरीले नियन्त्रणमा लिएको छ ।