काठमाडौं, ३ चैत । नेपालको कुल जनसंख्याको ८ दशमलव ५ प्रतिशत अर्थात् करिब १५ लाखमा मधुमेह रोग भएको अनुमान गरिएको छ ।

काठमाडौंमा शुक्रबारबाट सुरु भएको साफिस इन्टरनेशनल इन्डोक्राइन सम्मेलनमा बोल्दै चिकित्सकहरुले विश्वभर नै मधुमेह जस्ता दिर्घ रोगले महामारीको रुप लिएको विज्ञहरुले बताएका हुन् ।

कार्यक्रममा बोल्दै साफिसकी निवर्तमान अध्यक्ष डा. डीना श्रेष्ठले मधुमेह, थाइराइड जस्ता दीर्घरोगले भयावह रुप लिएको बताइन् ।

नेपालको सन्र्दभमा शहरी क्षेत्रमा बसोबास गर्ने ५० प्रतिशतमा मधुमेह रहेको छ भने ग्रामीण भेगमा बसोबास गर्ने पाँचदेखि सात प्रतिशतमा यो रोग देखिएको उनले बताइन् ।

मधुमेह जस्ता हर्मोन रोगले व्यक्ति सँगै उनिहरुको परिवार र समाजलाई पर्ने मानसिक र आर्थिक प्रभावबारे सम्बोधन गर्न जरुरी रहेको उनले बताइन् ।

डा. श्रेष्ठका अनुसार मधुमेह जस्ता दीर्घरोगसँग लड्नका लागि एउटा देशले एक्लै काम गर्नुभन्दा विभिन्न देशका सरोकारवालाहरु मिलेर काम गर्न आवश्यक छ ।