काठमाडौं, २६ फागुन । नेकपा एमालेले उपराष्ट्रपतिको उम्मेदवारबारे निर्णय गर्न शनिबार बिहान केन्द्रीय सचिवालय बैठक बोलाएको छ ।

शनिबार बिहान ९ बजे बस्नेगरी बैठक बोलाइएको पार्टीका उपमहासचिव पृथ्वीसुव्वा गुरुङले जानकारी दिएका हुन् ।

सो बैठकले उपराष्ट्रपतिको उम्मेदवारबारे निर्णय गर्नुका साथै राष्ट्रपति निर्वाचनबारे समेत समीक्षा हुनेछ ।

उपराष्ट्रपतिका लागि निर्वाचन आयोगले शनिबारलाई उम्मेदवारी दर्ताको कार्यतालिका यसअघि नै सार्वजनिक गरिसकेको छ ।

राष्ट्रपतिमा एमालेले उपाध्यक्ष सुवास नेम्वाङलाई उम्मेदवार बनाएको थियो । नेम्वाङलाई हराउदै आठदलीय सत्ता गठबन्धनका रामचन्द्र पौडेल निर्वाचित भइसकेका छन् ।