काठमाडौं, १३ फागुन । काठमाडौं महानगरपालिकाका मेयर बालेन शाहले आफूलाई मेयर पदबाट राजीनामा दिन दबाब आएको बताएका छन् ।

शनिबार सामाजिक सञ्जालमा लेख्दै उनले आफूलाई राजीनामा दिन दबाब आएको बताएका हुन् ।

आफूलाई कसले दबाब दिएको भन्ने बारेमा भने उनले केही खुलाएका छैनन् । उनले यो देश कहिल्यै नबन्ने समेत उल्लेख गरेका छन् ।

उनले लेखेका छन्, ‘मेयर पदबाट मलाई आज राजीनामा दिन लगाउन खोज्दैछन् । यो देश कहिल्यै पनि बन्दैन ।’