काठमाडौं, १० माघ । संघीय संसद् भवनअगाडि एक व्यक्तिले मंगलबार आफैँलाई आगो लगाएर आत्मदाहको प्रयास गरेका छन् ।

अन्दाजी ४० वर्षीय एक पुरूषले आफैँले झोलामा बोकेर ल्याएको प्रज्ज्वलनशील पदार्थ खन्याएर शरीरमा आगो लगाएका हुन् ।

प्रहरी परिसर काठमाडौंका प्रवक्ता एसपी दिनेश मैनालीका अनुसार उनी इलाम पञ्चकन्याका प्रेमप्रसाद आचार्य रहेका छन् ।

उनले प्रधानमन्त्री पुष्पकमल दाहाल प्रचण्ड संसद भवनबाट बाहिर निस्के लगत्तै आत्मदाह गरेका हुन् ।

जल्दै गरेको अवस्थामा उनलाई उद्धार गरी कीर्तिपुरस्थित बर्न अस्पताल पठाइएको प्रहरीले जनाएको छ ।