जनकपुरधाम, २७ पुस । सहिद पत्रकार उमा सिंहको हत्या भएको आज १४ वर्ष पूरा भएको छ ।

नेपाल पत्रकार महासंघ धनुषा लगायत विभिन्न छाता संगठनहरूले आज सिंहको १४ औं स्मृति दिवस मनाउँदै छ ।

महासंघ धनुषा शाखाले आज साँझ ५ बजे जनकपुरधामस्थित जनकचोकमा दीप प्रज्वलन तथा श्रद्धाञ्जली सभाको आयोजना गर्न लागेको महासंघका सचिव बटुकनाथ झाले जानकारी दिएका छन् ।

महासंघले प्रत्येक वर्ष पत्रकार सिंहको स्मृति दिवस मनाउँदै आएको छ ।

वि.सं. २०६५ साल पुस २७ गते जनकपुरधामको रजौलस्थित डेरामा पत्रकार सिंहको विभत्स हत्या गरिएको थियो ।