जनकपुरधाम, २२ पुस । सप्तरीमा चिसोले कठ्यांग्रिएर एकजनाको मृत्यु भएको छ ।

मृत्यु हुनेमा जिल्लाको तिलाठी कोइलाडी गाउँपालिका–४ मुसहरी टोलका ४५ वर्षीय देवु सदा रहेको प्रहरीले जनाएको छ ।

खुला ठाउँमा रहेको फुसको घरमा राति खाना खाएर सुतेका उनी बिहान मृत भेटिएका हुन् । मृतक सदाका तीन छोरा र तीन छोरी छन् भने श्रीमतीको दुई वर्षअघि नै मृत्यु भइसकेको छ ।

तराईका जिल्लामा एक साताअघिदेखि अध्यधिक चिसो बढेको छ । चिसोले जनजीवन प्रभावित भएको छ ।