काठमाडौं, ३ पुस । नेपाली कांग्रेसले संसदीय दलको निर्वाचनको तयारी थालेको छ । त्यसका लागि कांग्रेसले निर्वाचन समिति बनाएको छ ।

केही दिनभित्रै संसदीय दलको निर्वाचन गराउने गरी पार्टीका सहमहामन्त्री भिष्मराज आङदेम्बेको नेतृत्वमा निर्वाचन समिति बनेको हो ।

उक्त समितिमा केन्द्रीय सदस्यहरू पुष्पा भुसाल र प्रकाश स्नेही रसाइली सदस्य छन् । कांग्रेसको कार्यसम्पादन समितिअघि दुवै पक्ष बसेर बनाएको यही समितिले संसदीय दलको चुनाव गराउने छ ।