जनकपुरधाम, ८ मंसिर । सर्लाहीको निर्वाचन क्षेत्र नम्बर-३ को (क) बाट प्रदेशसभा सदस्यमा स्वतन्त्र उम्मेदवार जवाहरलाल कुशवाहा निर्वाचित भएका छन् ।

कुशवाहा १६ हजार ५९१ मत ल्याएर निर्वाचित हुँदा उनका निकटतम प्रतिद्वन्दी नेकपा एमालेका उम्मेदवार गणेश प्रसाद प्रसाईले १५ हजार १६६ मत ल्याएका छन् ।

यसअघि २०७४ मा यस क्षेत्रबाट निर्वाचित प्रदेशसभा सदस्य डिल्ली प्रसाद उप्रेती भने ५ हजार ३७२ मतमै सीमित भएका हुन् ।