जनकपुरधाम, ४ मंसिर । प्रहरीले रौतहटस्थित एक मतदानस्थल बाहिर हो-हल्ला भएपछि भीडलाई तितरवितर पार्न हवाइ फायर गरेको छ ।

रौतहटको क्षेत्र नम्बर-३ स्थित गुजरा नगरपालिकाको कनकपुर मावि मतदान केन्द्रमा एक राउण्ड हवाइ फायर भएको हो । त्यस्तै, गरुडा नगरपालिकाको प्रावि भवनमा पनि हवाइ फायर भएको छ ।

यसअघि चितवनमा विप्लव नेतृत्वको नेकपा माओवादीका कार्यकर्ताले चुनाव बिथोल्न खोजेपछि प्रहरीले हवाइफायर गरेको थियो ।