काठमाडौं, २४ कार्तिक । निर्वाचन आयोगले नेकपा माओवादी केन्द्रका अध्यक्ष पुष्पकमल दाहाल प्रचण्डलाई आचारसंहिता उल्लंघनमा ५ हजार जरिवाना गर्ने निर्णय गरेको छ ।

गोरखा–२ मा मनोनयन दर्ता गर्दा पञ्चे बाजा बजाएको भन्दै आयोगले यसअघि प्रचण्डलाई स्पष्टीकरण सोधेको थियो ।

आयोगले सोधेको स्पष्टीकरणमा प्रचण्डले आफूले बजाउन नलगाएको, योजना नबनाएको, स्वतस्फुर्त रूपमा भएको जवाफ दिएका थिए ।

बिहीबार आयुक्तहरूको बैठकले उनलाई आचारसंहिता उल्लंघनमा ५ हजार जरिवाना गर्ने निर्णय गरेको हो ।