बाजुरा, २० कार्तिक । बाजुरामा ५ महिनाको शिशुको आगोले जलेर मृत्यु भएको छ ।

जिल्लाको बुढिनन्दा नगरपालिका–९ अगाउँपानीमा आइतबार बिहान साढे ८ बजे स्थानीय ज्ञानेन्द्र धामीको घरमा आगलागी हुँदा शिशुको ज्यान गएको हो ।

चुलोकोनजिकै सुताइराखेको शिशुको जलेर मृत्यु भएको जिल्ला प्रहरी कार्यालय बाजुराले जनाएको छ ।

यस घटनाबारे विस्तृत जानकारी आउन बाँकी रहेको प्रहरी प्रमुख सूर्य थापाले बताएका छन् ।