सर्लाही, २३ असोज । लोकतान्त्रिक समाजवादी पार्टी नेपालका वरिष्ठ नेता राजेन्द्र महतोले प्रतिनिधि सभाका लागि सर्लाही–२ बाट उम्मेदवारी मनोनयन गराएका छन् ।

उनीविरुद्ध नेपाल समाजवादी पार्टी अध्यक्ष महिन्द्रप्रसाद यादवले पनि उम्मेदवारी दिएका छन् ।

सत्ता गठबन्धनमा सहमति नहुँदा उनीहरू दुवैले छुट्टाछुट्टै उम्मेदवारी दिएका छन् । यादव सोही क्षेत्रका निवर्तमान सांसद हुन् भने महतो धनुषा–३ का निवर्तमान सांसद हुन् ।