काठमाडौं, ३१ भदौ । काठमाडौं महानगरपालिकाले नयाँ बानेश्वर क्षेत्रका अनधिकृत संरचना हटाउन डोजर चलाएको छ ।

शुक्रबार महानगरपालिकाले नयाँ बानेश्वर चोकमा सडक वरपर रहेका अनधिकृत संरचनामाथि डोजर चलाएको हो ।

सडक मिचेर बनेका संरचना र पसल हटाउन महानगरपालिकाले डोजर चलाएको हो । यसअघि १५ दिन अगाडि यो क्षेत्रमा रहेका संरचना हटाउन महानगरले आग्रह गरेको थियो।

काठमाडौं महानगरले पछिल्लो समय अनधिकृत संरचनामा हटाउन अभियान नै सञ्चालन गर्दै आएको छ । यसअघि भूमिगत पार्किङ हटाउने अभियान पनि महानगरपालिकाले बानेश्वर बाटै सुरु गरेको थियो ।