महोत्तरीमा स्यालले टोक्दा ४ जना गम्भीर घाइते
जनकपुरधाम, २६ भदौ । महोत्तरीमा स्यालले टोकेर चार जना गम्भीर घाइते भएका छन् ।
जिल्लाको पिपरा गाउँपालिका–६ मा स्यालले टोक्दा सोही गाउँपालिका रतौलीका १६ वर्षीय बबन चौधरी, ६५ वर्षीया सोनावती सदा, १३ वर्षीया रेणुकुमारी सदा र ३५ वर्षीया पुनमदेवी सोनार घाइते भएका छन् ।
एउटै स्यालले एकै टोलका चार जनालाई टोकेको स्थानीयको भनाइ छ ।
सामान्यतः राति मात्रै गाउँ आसपास आउने स्याल दिउँसै गाउँमा पसेर मान्छेलाई टोक्न थाले पनि स्थानीयवासी त्रसित भएका छन् ।
घाइते चारै जनाको प्रादेशिक अस्पताल जनकपुरधाममा उपचार भइरहेको छ ।
तपाईको प्रतिक्रिया !
सम्बन्धित खबर
