जनकपुरधाम, १६ भदौ । आगामी मंसिर ४ गते हुने प्रतिनिधि तथा प्रदेश सभा सदस्य निर्वाचनका लागि धनुषा निर्वाचन क्षेत्र नम्बर–३ (१) को प्रत्यक्षतर्फ मधेस प्रदेशका भौतिक पूर्वाधार विकासमन्त्री रामसरोज यादवको नाम सिफारिस गरिएको छ ।

नेपाली कांग्रेसका पूर्व उपसभापति विमलेन्द्र निधिको विशेष उपस्थितीमा भएको प्रदेश स्तरीय बिस्तारित बैठकबाट मन्त्री यादवको नाम सिफारिस गरिएको हो ।

धनुषा निर्वाचन क्षेत्र नम्बर–३ (१) को प्रदेश स्तरीय बिस्तारित बैठकबाट प्रत्यक्ष तर्फको उम्मेदवारमा यादवको नाम सिफारिस गर्ने निर्णय गरिएको बताइएको छ ।

यादव २०७४ को निर्वाचनमा पनि धनुषा क्षेत्र नम्बर–३ (१) बाट निर्वाचित भएका थिए ।

त्यस्तै समानुपातिकतर्फ १० पुरुष र ५ जना महिलाको नाम प्रस्ताव भएको छ ।

समानुपातिकत सम्बन्धी निर्णय गर्नका लागि पार्टीको महाधिवेशन प्रतिनिधि समेत रहेका संसदीय दलका नेता रामसरोज यादव, क्षेत्र नम्बर ३ (१) का सभापति छेदी राउत र क्षेत्रीय सभापति धिरेन्द्र कुमार निधिसहित ३ जनाको समिति बनाइएको छ ।

उनीहरु तीनैजनाले समानुपातिक उम्मेदवारको नाम छनोट गर्ने जिम्मेवारी पाएका छन् ।