सप्तरी, ११ भदौ । सप्तरीका जनप्रतिनिधिविरुद्ध स्थानीय प्रशासनमा उजुरी परेको छ ।

मिटरब्याजमा ऋण दिएको आरोपमा जिल्लाको डाक्नेश्वरी नगरपालिकाकी उपप्रमुख मीरा यादव र तिलाठी कोइलाडी गाउँपालिकाकी उपाध्यक्ष फूलकुमारी साहविरुद्ध जिल्ला प्रशासन कार्यालयमा उजुरी परेको हो ।

प्रशासनका अनुसार ऋण लिएको पैसा तिर्दासमेत उनीहरूले जग्गा फिर्ता नगरेको आरोप छ । तर, दुवै जनाले मिटरब्याजमा ऋण दिएको अस्वीकार गरेका छन् ।

भदौ ५ सम्ममा सप्तरीमा मिटरब्याजीविरुद्ध ११४ वटा उजुरी परेका छन् । सप्तरीका एसपी अभिनारायण काफ्लेले प्रशासनबाट आएका निवेदनमाथि अनुसन्धान सुरु गरिएको जानकारी दिए ।

अनुसन्धान पूरा भएपछि गृह मन्त्रालयमा समन्वय गरी कारबाही अघि बढाउने एसपी काफ्लेले बताए ।