जनकपुरधाम, २८ साउन । तराई मधेश लोकतान्त्रिक पार्टीले मधेस प्रदेश सरकारद्वारा घोषणा गरिएको आन्दोलनलाई नौटंकीको संज्ञा दिएको छ ।

पार्टी अध्यक्ष बृषेशचन्द्र लालले प्रदेश सरकारले भोलि (आइतबार)देखि गर्न लागेको आन्दोलनलाई ड्रामाको संज्ञा दिएका हुन् ।

शनिबार दिउँसो सामाजिक सञ्जाल फेसबुकमा लालले लेखेका छन्, ‘प्रहरी समायोजन हुनु पर्दछ । तर, मधेस प्रदेश सरकारद्वारा आन्दोलनको नौटंकी हद पारीको ड्रामा नै हो ।’

प्रदेश सरकारमा नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी लगायतका पार्टीहरू सहभागी रहेको अवस्थामा आकाहरूको देखौटी बिरोधको यो राजनीतिक लाज उदाङ्गिएको नौटंकी रहेको उनको टिप्पणी छ ।

उनले भनेका छन्, ‘मधेसको जागरुकता हदै तल रहेको ठानेर छारो हाल्न त होला नि !’