जनकपुरधाम, २५ साउन । जिल्ला प्रशासन कार्यालय धनुषाका प्रशासकीय अधिकृत बालवीर ठाकुरको मृत्यु भएको छ ।

प्रशासकीय अधिकृत ठाकुरको हृदयघातका कारण मृत्यु भएको प्रमुख जिल्ला अधिकारी सुरेन्द्र पौडेलले जानकारी दिए ।

५३ वर्षीय ठाकुर २०७८ मंसिर १२ गते जिल्ला प्रशासन कार्यालय धनुषामा हाजिर भई कार्यरत रहेका थिए ।

त्यस्तै, भाइरल ज्वरोका कारण जिल्ला प्रशासन कार्यालय धनुषाका ८/९ जना कर्मचारीहरूसमेत संक्रमित भई होम आइसोलेसनमा रहेको प्रजिअ पौडेलले बताए ।