काठमाडौं, ११ साउन । नेपालमा पछिल्लो २४ घण्टामा ५६४ जना कोरोनाका नयाँ संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार २ हजार ७७८ जनाको पीसीआर परीक्षण गर्दा ४१८ र १ हजार ६७६ जनाको एन्टिजेन परीक्षण गर्दा १४६ जनामा संक्रमण पुष्टि भएको हो ।

पछिल्लो २४ घण्टामा २०२ जना संक्रमणमुक्त भएका छन् भने संक्रमणका कारण एकजनाको मृत्यु भएको छ । योसँगै नेपालमा कोरोना संक्रमितको कुल संख्या ११ लाख २६ हजार ८८४ पुगेको छ ।

हाल नेपालमा सक्रिय संक्रमितको संख्या ३ हजार ९२९ रहेको छ । जसमध्ये ३ हजार ७९४ जना होम आइसोलेसनमा रहेका छन् भने १३५ जना संस्थागत आइसोलेसन र ३२ जना आईसीयूमा छन् ।

यस्तै २ जनाको भेन्टिलेरमा राखेर उपचार भइरहेको मन्त्रालयले जनाएको छ ।