रुपन्देही, ३१ जेठ । रुपन्देहीको तिलोत्तमामा एक महिलाको शंकास्पद मृत्यु भएको छ ।

तिलोत्तमा–६ मा २५ वर्षीय सुसवना गिरी आफ्नै होटलमा झुन्डिएको अवस्थामा भेटिएकी हुन् ।

उनलाई तत्काल क्रिमसन अस्पताल पुर्याइएको थियो । तर, अस्पतालमा चिकित्सकहरुले उनलाई मृत घोषणा गरे । मृतक गिरीका दुई नाबालक छोराछोरी छन् ।

गिरीको माइती पक्षले उनलाई हत्या गरेर झुन्ड्याइएको हुनसक्ने दाबी गरेका छन् । उनीहरुले उनको शरीरमा निलडाम भएकाले पनि यस्तो आशंका गर्न परेको बताएका छन् ।

घटनाबारे अनुसन्धान सुरु भएको छ ।