काठमाडौं, १६ जेठ । दुर्घटनाग्रस्त तारा एअरमा सवार २१ यात्रुको शव फेला परेको छ ।

नेपाल नागरिक उड्ययन प्राधिकरणका अनुसार जहाजमा सवार २२ मध्ये २१ जनाको शव फेला परेको हो ।

थप एक जनाको शव खोजी जारी रहेको बताइएको छ । फेला पारिसकिएका शवहरुको पनि पहिचान हुन सकेको छैन ।

नागरिक उड्डयन प्राधिकरणले दिएको जानकारीअनुसार तीमध्ये १० जनाको शव काठमाडौं ल्याउने तयारी गरिएको छ ।

आइतबार पोखराबाट उडान भरेको तारा एयरमा चालक दलका ३ सदस्यसहित २२ जना सवार थिए ।