काठमाडौं, १ जेठ । स्थानीय तह निर्वाचन अन्तर्गत काठमाडौं महानगरपालिकाको मतगणना जारी छ । जारी मतगणनामा काठमाडौं महानगरका स्वतन्त्र उम्मेदवार बालेन्द्र शाह (बालेन) अघि छन् ।

काठमाडौंको पछिल्लो मतगणनाको ताजा मतपरिणामअनुसार नेकपा एमालेका मेयर उम्मेदवार केशव स्थापितभन्दा बालेन शाह झण्डै दोब्बर मतले अगाडि छन् ।

बालेनले ३ हजार ८३४ प्राप्त गर्दा उनलाई पछ्याइरहेका स्थापित १ हजार ९९६ मत पाएका छन् । जसअनुसार १ हजार ८३८ मतले बालेन केशव स्थापित भन्दा अगाडि छन् ।

त्यस्तै, तेस्रो स्थानमा गठबन्धनका तर्फबाट उम्मेदवारी दिएकी सिर्जना सिंह छन् । उनले १ हजार ८०२ मत प्राप्त गरेकी छन् । अहिले काठमाडौं महानगरका ६ वटा वडाको मतगणना भइरहेको निर्वाचन अधिकृतको कार्यालयले जनाएको छ ।