काठमाडौं, १ जेठ । स्थानीय तह निर्वाचन अन्तर्गत काठमाडौं महानगरपालिकाको मतगणना जारी छ । जारी मतगणनाको ताजा परिणाम अनुसार स्वतन्त्र उम्मेदवार बालेन्द्र शाह (बालेन)ले अग्रता बढाउँदै लगेका छन् ।

शाहले २ हजार ८२० मत प्राप्त गरेका छन् । उनलाई नेकपा एमालेका उम्मेदवार केशव स्थापितले पछ्याइरहेका छन् । उनले १ हजार ५०७ मत प्राप्त गरेका छन् ।

त्यस्तै गठबन्धनका तर्फबाट उम्मेदवारी दिएकी सिर्जना सिंहको १ हजार ४४९ मत प्राप्त भएको छ । अहिले ६ वटा वडाको मतगणना भइरहेको निर्वाचन आयोगले जनाएको छ ।

एउटा काउन्टर थप गरेर काठमाडौं महानगरपालिका–३१ को मतगणना सुरु भएको हो । यसअघि काठमाडौंको वडा नं १, २, ३, ४ र ३२ मा मतगणना भइरहेको हो ।