जनकपुरधाम, १ जेठ । जनकपुरधाम उपमहानगरपालिका वडा नम्बर–२ मा पनि नेपाली कांग्रेसको पूरै प्यानल विजयी भएको छ ।

आइतवार आएको मतपरिणाम अनुसार जनकपुरधाम–२ मा कांग्रेसका शिव कुमार साह ६११ मत ल्याएर विजयी भएका हुन् ।

उनका निकतम प्रतिद्वन्दी नेकपा एकीकृत समाजवादीका अशोक कुमार गुप्ताले २९५, नेकपा एमालेका संतोष कुमार साहले १५७ मत ल्याएका हुन् ।

यस्तै कांग्रेसबाटै महिला सदस्यमा सिता देवी साह ५५८, दलित महिला सदस्यमा धनेश्वरी देवी मुखिया ५५३, सदस्यमा अमित कुमार साह ४९९ र महेश खत्वेले ४२३ मत ल्याएर विजयी भएको मुख्य निर्वाचन अधिकृतको कार्यालय जनकपुरधामले जनाएको छ ।

यसअघि वडा नम्बर–१ मा समेत कांग्रेसको पुरै प्यानल विजयी भएको हो ।