जनकपुरधाम, २४ बैशाख । धनुषाको जनकनन्दिनी गाउँपालिकाका निवर्तमान अध्यक्ष अब्दुल बारिक शेखको निधन भएको छ ।

विगत लामो समयदेखि क्यान्सर रोगबाट पीडित रहेका शेखको शनिबार बेलुकी साढे ८ बजे निधन भएको हो ।

जनकनन्दिनी गाउँपालिकामा जनप्रतिनीधिहरुमध्ये नेतृत्वकर्ताको भूमिकामा सदैव देखिएका शेखको निधनले सिँगो गाउँ नै शोकमा डुबेको छ ।

नेपाली काँग्रेसबाट २०७४ सालको स्थानीय तह निर्वाचनमा भारी मतले निर्वाचित भएका शेख आफ्नो कार्यकाल सफलतापूर्वक निर्वाह गर्ने जनप्रतिनीधिमध्येका एक थिए ।

शेखको पार्थिव शरीरलाई आइतबार बिहान ईस्लाम रितिरिवाज अनुसार अन्तिम संस्कार गरिने परिवारजनले जनाएका छन् ।

शेखको निधनप्रति नेपाली काँग्रेसका नेताहरुले श्रद्धाञ्जली व्यक्त गरेका छन् ।