काठमाडौं, १६ बैशाख । काठमाडौँ महानगरपालिकामा लोकतान्त्रिक समाजवादी पार्टी नेपालको मेयर र उपमेयरको उम्मेदवारी खारेज भएको छ ।

लोसपाले मेयर र उपमेयरमा पुरुषलाई नै उम्मेदवार बनाएपछि दुबैजनाको उम्मेदवारी खारेज भएको हो ।

काठमाडौं महानगरपालिकामा लोसपाको तर्फबाट मेयरमा डानिन्द्र जोशी र उपमेयरमा उदय खड्कीले उम्मेदवारी दिएका थिए ।

स्थानीय तह निर्वाचन २०७३ को दफा १७ को उपदफा ४ अनुसार मेयर र उपमेयरमा ५० प्रतिशत महिला नभएकाले उम्मेदवारी खारेज भएको महानगरका प्रमुख निर्वाचन अधिकृत राजकुमार खतिवडाले बताए ।

लोसपाले उम्मेदवारी दिँदा महिलाको प्रतिनिधित्व नगराइ दुबै पदमा पुरुषलाई नै उम्मेदवार बनाएको थियो ।