सिरहा, २६ चैत । सिरहाको औरही गाउँपालिकाकी उपाध्यक्ष सीताकुमारी यादव नेपाली कांग्रेसमा प्रवेश गरेकी छन् ।

जनता समाजवादी पार्टीबाट निर्वाचित उनले कही दिनअघि मात्रै पार्टी परित्याग गरेको घोषणा गरेकी थिइन् ।

आज उनीसहित जसपा र अन्य पार्टीका दर्जनौँ नेता कार्यकर्ता काँग्रेसमा प्रवेश गरेका छन् ।

कांग्रेस जिल्ला सभापति रामचन्द्र यादवले गाउँपालिका उपाध्यक्ष यादवसहितलाई फूल माला र अबिर लगाएर पार्टीमा स्वागत गरेका हुन् ।

कांग्रेसले उनलाई उपाध्यक्षको टिकट दिने आश्वासन दिएर पार्टीमा ल्याएको बताइएको छ ।